أبوذيات جديده للساحه البغداديه

@@@@@@@@@@@@@@@
أنوحن عالاخذ كلبي وفربيه
وشفته اعله الجمر حطه وفر بيه
ليش الاضحك بوجهه وفربيه
يخلي بالظهر طعنات بيه
@@@@@@@@@@@@@
رسايل مني الك وديت ماين
احمدني عكل عندي ثبت ماين
اخوي الجنت اطب للبيت ماين
حيهم ساطي اعله الثنيه
@@@@@@@@@@@@@
شعندك من خبر مكروه ياساع
تظن كلبي نوايب بعد ماساع
يايوم استريحن بيه ياساع
ونه كل ساع اتصير بيه
@@@@@@@@@@@@
احبابي الكوطروا عني بعيدين
ولا بالهون فركاهم بعيدين
يوم اسعيد الاكيهم بعيدين
ابفرح وزمولنه تطبك سويه
@@@@@@@@@@@@@@
صلت خدي دمعتي من تسالي
عليك وراسي شيب من تسالي
عجب للحين كلبك من تسالي
سلوك اهجع بلاك اتلوم بيه
@@@@@@@@@@@@@@
تعال النار دلالي طفلها
سرت ووصالهم روحي طفلها
اخبرك نامت الفكدت طفلها
ونا سهران جا الملدوغ حيه
@@@@@@@@@@@@@
علي من صاح حلو الطول ويها
شعب كلبي ولعند الروح ويها
اشتبهلي يومن شفت ويها
سطع نوره وضوت كل البريه
@@@@@@@@@@@@@

» أبوذيات حلوووووه تعجبكم
» أبوذيات الشهيد رحيم المالكي