دارميـــــــــــــــــات

دارميـــــــــــــــــات

شكتب شرد عليك يخلص كلامي
تدري انت ضي العين حتى بمنام


هم مثلي تصفن حيل وتهم بلفراك
اوصل لحد الموت من الكم اشتاك


بيك اشكثر طيبات مكدر اعدهن
حاير شسوي وياك وشلون اردهن



سبحانه من خلاك تجفي من الاكيك
وانت الجنت بالطيف تتمنه احاجيك



سبحانه من سواك نص وجهك عيون
زغير سبيت الناس لوتكبر شلون





شضن اجيب الروح يمك واذله
عيوني مني اطيح مادنكله




جيمني بالتنور واحركني بيدك
بس لاتلوحه النار كلبي اليريدك

[center]

السلام عليكم
الابوذية هي احد انواع الشعر العراقي
تتكون من اربع ابيات.الابيات الثلاثة تنتهي
بكلمات متشابهة لفظا لكنها تختلف في المعني

اكوم اجلالا لحسنك وقف لك
وسجل كلبي ياخلي وقف لك
وحطك بي وقفلنة وقفلك
وطب بصدري وقفلكم علية


كلب صافي لون تهوى كلبنا
وابد مايوم عل الصاحب كلبنا
احنا اضلوع الك وانت كلبنا
ونحافظ عل الكلب من كل اذيه

نبيع النفس للينشد علينه
صبح ثوب الحزن لايك علينه
وحك عباس والحمزه وعلينه
تحب طاريك يبو نفس الابيه


دراسلنة يا خلي و يا هوانه
مو هوت ميل وتكلي ياهوانه
بنبض كلبك احلـــفك ياهوانه
و عشكتك ليش و شجابك علية؟

افز من نومي وصفك على الراح
ويليلي مابطل ونة على الراح
يربي ارجوك اظل عايش على الراح
ياريت اتعود نساميهم علية


ماتدري بجفاك الكلب ماراد
وكتي وليريده عمل ماراد
بعالي الصوت أصيحن يرد ماراد
هلال اللي مشه ميعود إليه


وياك بلشت بلشة يا بلاشي
حسافة طلعت عندك يا بلا شي
بثمن يوسف بعتني يا بلاشي
قميص اربع جهات انقد علية


السعادة منين اجبينها والافراح
على الاخوان راح اصفك والف راح
الف لمو والف سجنو والف راح
واتاني وما رجع واحد علية
بس احنا المصايب صاحبنة
لان كل ساع نفكد صاحب النة
ابنة المات محد صاح ابنة
خاف نصيح ويعدمون اخية

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووو على الموضوع الحلو عاشت الايادي .

النور نورك [ندعوك للتسجيل في المنتدى أو التعريف بنفسك لمعاينة هذه الصورة]

عاشت اناملك
تقبل مروري المتواضع
تحياتي