غلطان اليكلك لحضه راح انساك

غلطان اليكلك لحظة راح انساك
وعمت عينة اليفكر لحظة ويعوفك
اذا بليل اليمرهة الطيف كل اناس
انة بظهرية جتني اترفرف اطيوفك
يانسمة اعذيبي ورايج القداح
وياوجه الكمر بالظهر ونشوفك
كلت خلي اجرب ما اسولف بيك
طلع شريان كلبي يردد احروفك
مو بالجدم جيتك جيتك امشي بايد
وبلهفة غريب الناسة ملهوفك
اذا جرحي تصير وبية تنزف حيل
اروف اجفون عيني والك ما روفك
كمت تامر علية وكلشي مني اتريد
وصرت مارد المحبس لبستة اجفوفك
مثل ام وتخلي بجيب ابنهة افلوس
شلتلك روحي كلهة وصرت مصروفك
بعد بس شي اسوي ابني الك ايمام
واجيب الناس يمك ندعي ونطوفك
ارجو ان تعجبكم
منقولة لعيونكم

تحياتي

الله شكرا يا ورده روعه تحياتي الك

[ندعوك للتسجيل في المنتدى أو التعريف بنفسك لمعاينة هذه الصورة] يسلموووووو سلمت يمناك وردة تحياتي

شكرا منوريين الموضوع

العفوووووووووووو النور نورك طبعا .