ابوذيات ودارميات مفرد جملة (خمط ) جوة السوك

الدمع مرات مو بس حزن يعني
ثكيل وبس عليك الجدم يعني
على احوالة سألتة وكال يعني
ومعنى اليعني مالك غرض بيه

همت بالبيد انة وضعت بيداي
الوب ومانمت بالليل بيداي
طحت ابير جفك جان بيدي
كلتلك جرني ليش تعوف ادية

عرفت الليل بين من نيمتة
ومن وكتي انة افرح منة يمتة
مرة الجفن نام ومن نيمتة
زعل واغتاض واتسودن علية

شوكت تمطر الدنيه وانتهدم
يبس جلدي على عظمي وانته الدم
اني ابني يواشي وانته هدم
وبعون الله الهدمته يعود اليه
=================
تبيع انته بمودتنه ونشراك
فراكك طحن روحي ونشراك
لجلك علكت زينه ونشراك
بلكت يلعزيز تعود اليه
===============
من حلاتك كله توكف واني كاعد مستريح
مو لان ما منتبهلك لان بس اوكف اطيح
=============
رمشلي من تشتاك واني اتصل بيك
فدوه الرصيد يروح بس كون احاجيك

فرفح جهازي عليك ثق هلهل الرام
والشحن من دگيت يرگص هچع گام
=============
للجنه لاماروح بالكعبه للنار
مليانه بس حاتات وصلتني الاخبار
===============
روح انت على الحاتات واجوه بيهن
بالجنه حور العين سبلت عليهن
================
تبجي بغزارة العين .. بجاهة لفراك
فوكاهة هاي الروح كل لحظة تشتاك
================
روحك لون تشتاك من كثر الفراك
حضن بحضن وياه وتكلي مشتاك
================
لاتوكف ويه الغير وتهيج الاوجاع
أمن الكاع اغار عليك من تمشي عالكاع
==============
كونك تجيني بطيف وتمر عليه
حتى الفراش ايگوم ياخذ تحيه
=============