السلام عليكم ورحمة الله وبركاتة
..........................................
......................................
..................................
............................
........................
..................
.............
.........
.....
.
نضل بهواك يمدلل وليعيـــــــــــن
والله اليستر بحبك وليعيـــــــــــن
الي كلب يهذي باسمك ولي عين
نظرها بدون شوفك تعمى هــــي
الج ون الكلب وحدج ولج عـــن
ولج ونار بوسط كلبي ولج عيـن
الج شامة والج خد والج عيـــن
التخزرة يموت وانا اول ضحية
احس انا بدليلي فد ولا اهلك
وعلي لاتباوع انت فدو لاهلك
عسل دمك يامالك فدوة لاهلك
على هاي الحلاة والجاذبيــــة
تطشرتي واريدا فدوة المج
اطيب انا برمسج فدوة لامج
تروح الدنيا كلها فدوة لامج
لان جابت كمر فوك الوطية
وحك الله ورسولة والحواجب
دليلي ما يجذب للحواجـــــــاب
واخاف الناس تدري وبالحواجب
أأشرلك وكلك رد عليــــــــــــــة
لون يوسف بحسنج ماحوى جب
واظن من راد يحوي ماحوى جب
هذني الفوك عينج مو حواجــــب
ذني سيوف غمزتهن منيـــــــــة
اظل ازهي بغرامك معجزة اني
واظل انطر وصالك مع جزاني
يكولولي جميلة ومعجزة اني
لجن انطيني رايك شنهو بية
ابد مو معجزة انتي بل بلة انتي
لان سويتي يمنة بلبلة انتــــــي
اذا على الصوت اوصفج بلبل انتي
واذا على الوجه اوصفج مزهرية
تحياااااااااااااااااااااتي[center]
موضوع: سلسلة ابوذيات للشاعران مالك وشهد 
