ابوذيات من القلب الى القلب

من مثلي دمع عيني يـــــهلهه
سبب غالب على روحي يـــــهلهه
وعلي تحيولكم ميت يـــــــــــهلهه
من تبدي ترد الروح الـــــــيه

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيشه تصير اليه

ابنار الهجر يامهجه دموعاي
على مصابي السمه يمطر دموعاي
اشما هلن يمحبوبة دموعاي
حسناتج تبدل بالف سيه

وحك الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه

روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي الدار بيــــه

» اجمل وارق ابوذيات عراقيه
» ابوذيات ودارميات مفرد جملة (خمط ) جوة السوك
» ابوذيات حلوه
» ابوذيات شعبية
» ابوذيات دمهه خفيف